Fuentes de Peñacorada (León), 19 de agosto de 2010.
En realidade Pedro, Mundi, Beni e eu fumos ata Valdehuesa a escalar 3 días, pero para aproveitar algo máis o día en que chegaríamos ó camping de Boñar, quixemos pasar pola tamén cercana escola de Fuentes de Peñacorada, en Cistierna.
Xa chegamos algo tarde así que só nos deu para un par de vías antes de que a noite se nos botase enriba.
De tódolos xeitos, pese a que non puidemos trepar moito, a zona deunos boas sensacións polo que sabendo que ten ó redor de 100 vías en roca caliza, e que, ademais, está próxima a Fuentes Carrionas e Picos de Europa pode ser interesante visita-la para facer un descanso cando se ande por esas montañas.
-
2020 Setembro 18 ás 18:18Escalada deportiva preto de Boñar (León), do 9 ó 23 de agosto de 2020: Valdehuesa, Fuentes de Peñacorada, Aviados, Piedrasecha e Llombera. | Trepadas: alpinismo, montañismo, escalada e aventura
QR
trepadasClub Alpino Ourensán | Revista CAIRN
www.escaladasosteniblegalicia.org
Rocha Nai, Guía de escalada de Galicia.
Ata o 2020, xa pasaran vintetrés anos da publicación da Galicia Vertical de Miguel Seoane e Javier Carreras, a gran obra que foi a referencia da escalada en Galicia durante todo este tempo, pero a aparición de novas escolas, sectores e vías por toda Galicia, facían necesaria unha nova publicación, que ese ano viu da man de Alfonso Louro Fuentes e Gustavo Vázquez Fariña, autores da nova obra: Rocha Nai, Guía de escalada de Galicia.
Desta volta a guía ven repartida en 2 volumes que se venden xuntos: Norte (A Coruña e Lugo) e Sur (Ourense e Pontevedra).
Contabiliza 42 áreas de escalada e 2.800 vías entre deportiva e autoprotección, xunto coa información necesaria para a súa localización e outros datos de interese; pódese adquirir na web: https://rochanai.wordpress.com/
Escalada tradicional en Faro de Budiño. Guía de escalada.
No 2014, Jose Juan Domínguez López publicou unha guía moi detallada sobre as vías de autoprotección de Faro de Budiño, Escalada tradicional en Faro de Budiño; que é unha obra imprescindible para quen guste da escalada de autoprotección e queira practicala na maior escola de Galicia deste estilo; pódese pedir directamente a jjbudinho@hotmail.com (tamén é posible obter croquis que non figuraban na 1ª edición desta guía no seu blogue: http://noroestetrad.blogspot.com.es/p/resenas.html
