Inicio > Denuncia, Difusión/Divulgación > Escrito ó Comité de Xustiza Deportiva de Galicia, ó respecto das eleccións na Federación Galega de Montañismo do 2010

Escrito ó Comité de Xustiza Deportiva de Galicia, ó respecto das eleccións na Federación Galega de Montañismo do 2010

Estaba tan molesto co despropósito das eleccións do 2010 na Federación que mandeilles un par de correos electrónicos queixándome duramente.

Decidín entón queixarme tamén no Comité de Xustiza Deportiva, así que busquei no DOG do 9 de setembro de 2010 a Orde do 8 de setembro de 2010 pola que se establecen os criterios para a elaboración de regulamentos e a realización dos procesos electorais nas federacións deportivas galegas.

Pois resulta que as culpas pódense repartir entre Consellería de Administracións e Federación, porque as restricións para votar deportistas e clubes, veñen dadas pola Orde da Consellería -incrible…!-.

Así e todo como motivos para protestar do funcionamento da Federación segue habendo, mandeilles o texto que de seguido reproduzo, cumprimentando un formulario que teñen na súa web:
http://deportegalego.es/index.php?idMenu=44&idIdioma=2

Son Ricardo ——– (con enderezo n——————-; e DNI: ——————–), un deportista federado na Federación Galega de Montañismo.

Nestes intres está en marcha o proceso de eleccións para a constitución da Asamblea  Xeral da Federación Galega de Montañismo, da Comisión Delegada e designación do Presidente/a.

Na web da Federación figura o censo electoral e o regulamento que rixe nas eleccións:
http://www.fgmontanismo.com/eleccionsXeral.html.

Dito regulamento supoño que xa lle foi remitido á Secretaría Xeral para o Deporte da Xunta de Galicia, e que esta non debeu de atopar deficiencias para a súa devolución posto que é o que rixe nas presentes eleccións.

Os requisitos para ser electores/as e elixibles, establécense no artigo 8º, apartado 1 do citado Regulamento, onde se esixe:

  • No caso dos estamentos constituídos por persoas físicas (deportistas, adestradores e árbitros/xuíces), que se teña participado nun mínimo dunha actividade oficial na tempada deportiva anterior.

No artigo 8, apartado 2 establécese como actividade deportiva:

  • aquela que estivera reflectida nos correspondentes calendarios oficiais aprobados pola Asemblea Xeral.

Eu quixera manifestarlles a miña indignación pola arbitrariedade e antidemocrático xeito en que desenvólvese dito proceso, por se debera ser obxecto de recurso perante vostedes, o Comité Galego de Xustiza Deportiva.

En concreto ó respecto das condicións para poder exerce-lo voto no estamento de deportistas, resulta que as actividades que dan dereito ó voto non se sabe cales son, posto que a Federación non publica o calendario oficial aprobado pola Asamblea Xeral, e, por exemplo, na súa páxina web figura un calendario de actividades anual no que non se concreta que actividades correspóndese coas oficialmente aprobadas e cales non. Esta falta de transparencia na xestión da Federación causa unha evidente indefensión no/a deportista, que pese a ter participado en actividades publicitadas pola Federación, chegado o proceso electoral non sabe se ten dereito ó voto ou non.

Así pois hai dous tipos de actividades: as que dan dereito a voto e as que non -iso si, ben misturadas na web da Federación e sen nada que distinga as aprobadas en Asamblea Xeral das “outras de menor consideración”-.

E indo máis lonxe, non estaría de máis que se detallasen as actividades xunto co seu custe e cales non se suspenderon para deixar clariño cantas oportunidades de voto temos os deportistas e cantos cartos nos custa poder votar.

En resumo:

  • Para votar hai que participar nunhas actividades que non se sabe cales son, porque na web non aparece nin a acta da Asamblea xeral, nin o detalle das “actividades federativas”.
  • Salvo que nesas actividades oficiais haxa algunha de balde, resulta que para exerce-lo dereito a votar haberá que pagar.

Por estas razóns, entendo que se está coartando o dereito de participación dos/as deportistas no proceso electoral, motivo polo que lles remito o presente escrito por se fose da súa competencia a toma de medidas para correxir esta situación.

Por outra banda, aproveito a ocasión para comentar ó respecto da Orde do 8 de setembro de 2010 pola que se establecen os criterios para a elaboración de regulamentos e a realización dos procesos electorais nas federacións deportivas galegas, que non entendo a razón da absurda restrición que a Consellaría de Presidencia, Administración Públicas e Xustiza impón, discriminando a aqueles federados e federadas que teñan participado en actividades federativas durante os anos anteriores ó pre-electoral. Así unha persoa pode haber participado en TÓDALAS actividades durante os 2 primeiros anos dun mandato e logo resulta que non pode votar por unha absurda e arbitraria norma de que só contan as actividades do último ano -todo un alarde de senrazón; ¿que pasa, é que as actividades dos outros anos non teñen o mesmo valor?-.

Entendo que a proposta de modificación dunha Orde non entra nas súas competencias, pero tal vez poderían trasladarlle esta última apreciación miña a quen corresponda.

Atte.

Ricardo

Advertisements
  1. Aínda non hai comentarios.
  1. No trackbacks yet.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s