Faro de Budiño (O Porriño, Pontevedra)
Para chegar dende Vigo, o normal é colle-la Autovía do Atlántico que dende Porriño vai cara a Tui e Portugal e saír na saída 18B cara a Salceda de Caselas. No caso de vir dende Ourense pola A52, ó chegar á altura de Porriño, continúase sen colle-las dúas saídas que dan acceso a esta localidade, para pasar á A55 seguindo as indicacións de cara a Tui e Portugal, e logo duns 4km por esta nova autovía sáese dela pola saída 18B cara a Salceda de Caselas.
Neste punto, tras abandoa-la autovía, inmediatamente hai que pasar por un par de rotondas, sempre seguindo as indicacións de cara a Salceda de Caselas, e xa estaríamos nunha recta que atravesa por unha zona de naves industriais das canteiras. Por esta estrada continúase uns 4km ata coller un desvío á dereita cara Budiño e Cerquido (hai un sinal que indica Budiño) e inmediatamente pásase unha ponte por riba da estrada pola que viñamos (novo sinal indicando Budiño), para no cruce seguir á dereita (outro sinal máis que indica Budiño) e nun tramo dun quilómetro, aproximadamente, ir deixando ata 3 bares no lado esquerdo da estrada (primeiro o Juventud, logo o Campinas e pouco despois un xa pechado e sen anunciar pero que ten diante un amplo aparcadoiro), e, uns 200m despois do último, cóllese un calexón costa arriba á esquerda (hai un sinal que indica Faro de Budiño). Dende este punto só hai que segui-los carteis da Comunidade de Montes que van sinalando en cada cruce cara onde está Faro de Budiño.
O devandito calexón, xira un pouco á esquerda nunha 1ª curva, e inmediatamente divídese en dous (con outro sinal que indica Faro de Budiño); cóllese polo desvío da dereita que baixa por unha curta costa de forte pendente que inmediatamente pasa a subir unha longa e fortísima pendente pola que, logo dun rato de seguir entre o bosque acada una golada onde se xunta con outra pista que ven do lado dereito; seguir de fronte ata un par de aparcadoiros situados nuns prados á dereita da pista, xunto ó merendeiro ós pés do refuxio. -casi naaaa…-
A mellor época é o Outono e primavera, porque no verano non se atura coa calor, pero durante cáseque todo o inverno pódese escalar comodamente xa que en canto sae o sol a rocha seca en seguida e -se non sopra o vento- estase moi ben de temperatura.
A escalada é de pitóns, adherencia, moito equilibrio e cabeza. Tamén abondan as fendas, polas que predominantemente ascéndese en autoprotección.
Predominan os parabolts, aínda que algúns bastante distanciados, sobre todo a medida que se gaña altura.
A ruta que recomenda Google Maps en coche:
Sectores:
Fotos de Faro de Budiño. Sector Fisuras de Insuas
Fotos de Faro de Budiño. Sector Canteira de Insuas
Fotos de Faro de Budiño. Sector Carballeira
Croquis do sector Placa de los 20
Fotos de Faro de Budiño. Sector Placa de los 20
Fotos de Faro de Budiño. Sector Casco
Fotos de Faro de Budiño. Sector Refugio
Croquis do sector Parede Escola
Fotos de Faro de Budiño. Sector Parede Escola
Fotos de Faro de Budiño. Sector Placa da Valenciana
Fotos de Faro de Budiño. Sector Cabaretera ou Placa de Nando
Croquis do sector Silla de la Reina
Fotos de Faro de Budiño. Sector Silla de la Reina
Fotos de Faro de Budiño. Sector Carra
Fotos de Faro de Budiño. Sector Pinos
Fotos de Faro de Budiño. Sector Huerto
Fotos de Faro de Budiño. Sector Alfanje
Croquis do sector Calavera e do 1º risco
Fotos de Faro de Budiño. Sector Calavera
Fotos de Faro de Budiño. Sector Calavera, primeiro risco
Fotos de Faro de Budiño. Sector Abruzzos
Para a identificación das vías partín da agotada guía Galicia Vertical, de Miguel Seoane e Javier Carreras e a información proporcionada no seu blogue polo Comité de Escalada de Faro de Budiño, pero sobre todo me merecen un especial agradecemento as enciclopédicas lembranzas de Amalia, Carducho e David, que tiveron a paciencia de responder unha e mil veces ás mesmas preguntas deste desmemoriado, así como o profundo coñecemento de tódolos recovecos destas paredes que Jose Juan comparte xenerosamente. Tampouco podo deixar de sen agradecer a Luis Arocas, Pichu Rodríguez, Nito e Ángel Álvarez, as informacións que me facilitaron.
- Máis información e infinitamente mellor detallada sobre as vías de autoprotección de Faro de Budiño na baratísima (só 15€) guía “Escalada tradicional en Faro de Budiño”, de Jose Juan Domínguez; pedidos a jjbudinho@hotmail.com (tamén é posible obter croquis que non figuraban na 1ª edición desta guía no seu blogue: http://noroestetrad.blogspot.com.es/p/resenas.html).
- E para coñecer tódalas vías da escola: Guía de Escalada de Galicia Rocha Nai: https://rochanai.wordpress.com/
QR
Club Alpino Ourensán | Revista CAIRN
www.escaladasosteniblegalicia.org
Rocha Nai, Guía de escalada de Galicia.
Ata o 2020, xa pasaran vintetrés anos da publicación da Galicia Vertical de Miguel Seoane e Javier Carreras, a gran obra que foi a referencia da escalada en Galicia durante todo este tempo, pero a aparición de novas escolas, sectores e vías por toda Galicia, facían necesaria unha nova publicación, que ese ano viu da man de Alfonso Louro Fuentes e Gustavo Vázquez Fariña, autores da nova obra: Rocha Nai, Guía de escalada de Galicia.
Desta volta a guía ven repartida en 2 volumes que se venden xuntos: Norte (A Coruña e Lugo) e Sur (Ourense e Pontevedra).
Contabiliza 42 áreas de escalada e 2.800 vías entre deportiva e autoprotección, xunto coa información necesaria para a súa localización e outros datos de interese; pódese adquirir na web: https://rochanai.wordpress.com/
Escalada tradicional en Faro de Budiño. Guía de escalada.
No 2014, Jose Juan Domínguez López publicou unha guía moi detallada sobre as vías de autoprotección de Faro de Budiño, Escalada tradicional en Faro de Budiño; que é unha obra imprescindible para quen guste da escalada de autoprotección e queira practicala na maior escola de Galicia deste estilo; pódese pedir directamente a jjbudinho@hotmail.com (tamén é posible obter croquis que non figuraban na 1ª edición desta guía no seu blogue: http://noroestetrad.blogspot.com.es/p/resenas.html
Trepadas: alpinismo, montañismo, escalada e aventura 